EDEN APARTMENT INDI NYUBAKO IGIYE KUBAKWA MU KIYOVU IKOMEJE KUTANGAZA GUTANGAZA BENSHI

Eden Apartments izaba igizwe n’amagorofa 14 ndetse na basement ebyiri zizifashishwa nka parking y'ibinyabiziga bitandukanye higanjemo imodoka, Iyi nyubako izaba ireba ku kiyaga gihimbano giherereye mu gishanga cya Rugenge rw’Intare, bikazayihesha umwihariko mu bwiza n’ahantu heza ho gutura.

Kimwe mu bintu by’ingenzi biranga iyi nyubako ni uko izubakwa hubahirizwa ibidukikije. Izaba ifite ubusitani bugezweho, haba ku ma-balcon ndetse no ku butaka bwo hasi, aho hazaterwa ibiti bitanga umwuka mwiza, bigafasha mu kubungabunga ibidukikije no gutuma abayituyemo bagira ubuzima bwiza.

Ku bijyanye n’uburyo bwo guturamo, Eden Apartments izaba ifite amahitamo atandukanye ajyanye n’ibyiciro by’abantu:

Studio: icyumba kimwe kirimo ibikoresho byose, gifite ubuso bwa metero kare 49

1 Bedroom: icyumba kimwe cyo kuraramo na salon, gifite ubuso bwa metero kare 72

2 Bedrooms: ibyumba bibiri byo kuraramo na salon, bifite ubuso bwa metero kare 132

Penthouse: iri ku rwego rwo hejuru (rooftop), ifite ubusitani n’imbuga nini, ifite ubuso bwa metero kare 165

Iyi nyubako izaba kandi ifite serivisi z’inyongera zigamije imibereho myiza y’abayituyemo. Kuri ground floor hazashyirwamo piscine izajya ikoreshwa gusa n’abayituyemo, ndetse hanashyirwemo gym izafasha abakunda imyitozo ngororamubiri kuyikora mu buryo bworoshye.

Eden Apartments iri kubakwa mu gace kari gukura cyane mu ishoramari ry’inyubako zigezweho, aho ibikorwa remezo n’ubwiza bw’imiturire bikomeje gutera imbere ku buryo bugaragara. Ibi bituma Kiyovu ikomeza kuba imwe mu duce twifuzwa cyane guturwamo n’abashoramari ndetse n’abifuza ubuzima bugezweho mu Mujyi wa Kigali.

Mu by’ukuri, Eden Apartments ni umwe mu mishinga igaragaza icyerekezo cy’ahazaza h’imiturire mu Rwanda—ahantu h’ubwiza, umutekano, n’imibereho ijyanye n’igihe.