KIGALI IGIYE KUNGUKA ROYAL GOLF APARTMENT ZO KURWEGO RWO HEJURU KANDI ZIGEZWEHO

Uyu mushinga uje ukemura ibibazo by’imiturire igezweho, aho uzaba urimo inzu zo guturamo z’amoko atandukanye zirimo iz’icyumba kimwe, ibyumba bibiri ndetse n'ibyumba bitatu. Ibi bizaha amahirwe abantu batandukanye, haba abifuza gutura bonyine, imiryango mito ndetse n’iyagutse, kubona aho batuye hababereye.

Si ibyo gusa, kuko Royal Golf View Apartments izaba ifite n’ahantu h’ubucuruzi (retail space) hazafasha abahatuye kubona serivisi zitandukanye hafi yabo,Hazanabamo kandi fitness center igezweho izafasha abakunda siporo gukomeza ubuzima bwiza batavuye aho batuye.

Mu rwego rwo kurushaho kunoza serivisi z’ubukerarugendo n’imyidagaduro, hazubakwa boutique hotel izajya yakira abashyitsi bifuza gucumbika ahantu hihariye kandi hagezweho. Nanone kandi abazahatura n’abazahagana bazishimira piscine (swimming pool) izabafasha kuruhuka no kwidagadura.

Ikindi kigaragara muri uyu mushinga ni uko hazashyirwamo parikingi zirenga 100, bigaragaza uburyo hatekerejwe ku gukemura ikibazo cy’imodoka gikomeje kwiyongera mu mujyi

Royal Golf View Apartments si inyubako zisanzwe; ni ikimenyetso cy’aho Kigali igeze mu iterambere ry’imijyi n’imibereho igezweho. Biteganyijwe ko uzaba umwe mu mishinga izazamura urwego rw’imiturire, ukanagira uruhare mu gukomeza gushyira Kigali ku ikarita y’imijyi igezweho muri Afurika.

Uyu mushinga ni icyizere gishya ku bashaka ubuzima bugezweho, bwiza kandi bufite umutekano mu mutima w’umujyi wa Kigali.